Етно куќа „Кај Мостот“, село Зовиќ
Етно куќата „Кај Мостот“ во село Зовиќ е семеен бизнис на Митко и Наташа Крстевски. Со повеќе од 30 години искуство во областа угостителство и огромна љубов кон родното село, отварањето на етно куќа во село со помалку од 10 жители претставуваше вистински предизвик за ова семејство.
- Локација: село Зовиќ, Мариово
- Телефон: +389 71 206 757
- E-mail: mitko.cebren@hotmail.com
- Facebook ...
- Важно: Работи само со претходна најава
Имајќи го секогаш квалитетот во прв план, во етно куќата се приготвува свежа и автентична храна од регионот Мариово. Традиционалното Мариовско сирење, месо под сач, домашен леб, зелник и секогаш свежи салати од домашната градина, се специјалитетите кои ќе Ви останат долго време во сеќавање.
Ресторанот има капацитет од околу 50 гости и задолително е да се најавите барем еден ден претходно. За посетителите кои сакаат да побегнат од урбаниот хаос, Етно куќата има на располагање и 4 автентично уредени соби со вкупно 11 кревети, заеднички тоалет во објектот и плус 2 тоалети надвор.
